Літаратурны вернісаж “Чудеса нового и старого года” запрасіў на мерапрыемства навучэнцаў установы адукацыі “Навагрудскі гандлёва-эканамічны каледж”. Чарадзейную атмасферу стварыла святочнае афармленне экспазіцыі. Яна ўключыла падборку літаратуры навагодняй тэматыкі, таксама шэраг цікавых кніг, часопісаў і альбомаў. Літаратурная гульнёвая праграма дазволіла адчуць навагодні настрой і арганізаваць незабыўнае свята. Заданні былі разлічаны на веданне многіх фактаў з гісторыі свята. Казачныя эпізоды ўдала дапаўняла выкарыстанне прадметных элементаў – гэта былі героі асобных твораў Аляксандра Пушкіна. Адметнасць і непаўторнасць зімовай пары была праслежана з дапамогай мастацкіх альбомаў беларускіх мастакоў. А па радках вершаў беларускіх паэтаў патрэбна было знайсці канкрэтную рэпрадукцыю карціны ці фотаздымка ў кнізе, якая адпавядала б дадзеным вершам. Невялікае падарожжа ў беларускую зіму было здзейснена з дапамогай крыжаванкі, дзе быў выкарыстаны адзін з вершаў Якуба Коласа. Гасцей свята чакала шмат неверагодных сюрпрызаў і маленькіх падарункаў.
