12 снежня ў бібліятэцы адбылася сустрэча з паэтэсай з горада Баранавічы Галінай Ліс. Творчыя магчымасці гэтай таленавітай жанчыны засяроджаны не толькі на паэзіі. Свет яе захапленняў – жывапіс, бардаўская песня. У галерэі “Імгненне” бібліятэкі ўжо можна пазнаёміца з 18 яе жывапіснымі карцінамі.
На сустрэчы гучалі радкі вершаў з самых розных зборнікаў Г. Ліс пра філасофію жыцця, прыроду, блізкіх людзей. Знайшлося месца і гумару, песням у выканнані Г. Ліс. Пэўная ўвага была засяроджана на выданні, напісаным краязнаўцам і журналістам Міхаілам Маліноўскім “Жыццё і творчасць Галіны Ліс”. Прыгажосць, дабразычлівасць гэтай жанчыны, цудоўны свет яе яркай і шматколернай творчасці захапіў і зачараваў прысутных.
Бібліятэка атрымала ў дар аўтарскія кнігі паэзіі.