Сёмы па ліку літаратурны подыум быў прысвечаны адной з вялікіх каштоўнасцей, якая ўласціва чалавеку – сяброўству.
На імправізаваны подыум “выходзілі” кнігі, якія паказвалі прыклады сапраўднага сяброўства ў самых розных жыццёвых сітуацыях. Разам з прадстаўленнем кніг студэнтам прапаноўвалася пабыць удзельнікамі цікавых псіхалагічных тэстаў, паглядзець відэаролікі, паслухаць музыку.
Было таксама створана “дрэва сяброўства”. Кожны з прысутных змог пакінуць на ім далонь з пералічэннем самых асноўных якасцей характара, без якіх немагчыма сапраўднае сяброўства.