1 снежня ў Навагрудскім раённым цэнтры культуры і народнай творчасці прайшоў дабрачынны канцэрт да Дня інвалідаў «Спяшайцеся рабіць дабро».
Арганізатар мерапрыемства — Навагрудская раённая арганізацыі грамадскага аб’яднання «Беларускае таварыства інвалідаў». Асноўныя ўдзельнікі канцэрту — моцныя духам людзі, здольныя на штодзённы подзвіг і бязмежную любоў да жыцця, маладыя людзі з абмежаванымі фізічнымі магчымасцямі, таленавітыя і адораныя ў многіх сферах жыццядзейнасці. Пацверджанне таму і спецыяльна падрыхтаваная выстава творчых прац. У фае быў арганізаваны дабрачынны збор сродкаў на карысць раённай арганізацыі ГА «Беларускае таварыства інвалідаў», прайшла акцыя «Дрэва дабра» ад РУП «Белпошта». Бібліятэка прадставіла літаратурныя навінкі на любы густ.