11 кастрычніка ў зале пасяджэнняў раённай бібліятэкі прайшоў бібліягід “Беларускі шлях”. У праграме мерапрыемства была арганізавана кніжная выстава “Мы – Беларусы!”, на якой была прадстаўлена літаратура пра гісторыю, культуру, традыцыі нашай краіны, рэгіёну, краю. Асобна былі прадстаўлены краязнаўчыя даведнікі бібліятэкі з серыі “Гонар нашага краю”. Экскурсія па экспазіцыі міні-макетаў “Страчаная спадчына” стала працягам аповеда пра гісторыю Навагрудка. Экспазіцыя каштоўных і рэдкіх кніг з асабістых бібліятэк чытачоў “Кніжныя скарбы Беларусі” таксама выклікала цікавасць.