Анонс мерапрыемстваў

18.03. — 24.03.2019

20 сакавіка ў 12.00 Навагрудская гарадская дзіцячая бібліятэка запрашае на экалагічны глобус “И нам дана на всех одна планета — хрупкая Земля”. Мерапрыемства будзе складацца з некалькіх прыпынкаў: “Самадзелкі з ужыванага пластыку”, “Унікальны заасад”, “Экалагічнае лато”, “Галаваломкі і шарады ад Экошы”.

Тэл. для даведак: 8 (01597) 22358

Прырода Беларусі ўнікальная, тут можна сустрэць шмат рэдкіх відаў раслін і жывёл.

21 сакавіка ў 17:00 Кашалеўская сельская бібліятэка запрашае дзяцей школьнага ўзросту на экалагічную гадзіну “Лясны экзамен”.  На мерапрыемстве бібліятэкар пазнаёміць чытачоў з флорай і фаўнай беларускіх лясоў.

Тэл. для даведак: 8 (01597) 92562

Ні на адной самай падрабязнай геаграфічнай карце вы не знойдзеце сёння гэтай беларускай вёскі. Яна была знішчана фашыстамі вясной 1943 года. Хатынь — былая вёска Лагойскага раёна Мінскай вобласці Беларусі — стала сімвалам трагедыі беларускага народа, журботнай старонкай гісторыі часоў Вялікай Айчыннай вайны. У гэтым мемарыяльным комплексе ўвасоблена ідэя мужнасці і непахіснасці народа, які прынёс шматлікія ахвяры ў імя Перамогі. Пра гэта і многае другое можна даведацца:

22 сакавіка ў 16:30 у Ладзеніцкай сельскай бібліятэцы на ўроку гісторыі “Сумны звон Хатыні”.

Тэл. для даведак: 8 (01597) 92138

22 сакавіка ў 16:30 у Пятрэвіцкай сельскай бібліятэцы на ўроку гісторыі “Сумны звон Хатыні: памяць сэрца”.

Тэл. для даведак: 8 (01597) 41138