21.09.2020 – 27.09.2020

 

23 верасня ў 17:00 Кашалеўская сельская бібліятэка запрашае на гадзіну развагі “Человек без друзей – что дерево без корней”. Гаворка будзе ісці пра бескарыслівае сяброўства. Напачатку бібліятэкар патлумачыць значэнне самога тэрміна “сяброўства”, зыходзячы з этычнага пункту гледжання, потым пазнаёміць з “правіламі” дружбы і раскажа пра важнасць сапраўдных таварышаў  у жыцці чалавека. Пасля гэтага слова будзе дадзена ўдзельнікам мерапрыемства, напэўна ўсім будзе цікава пачуць разважанні адзін аднаго на гэты конт. Так што, каму ёсць што расказаць пра сваіх сяброў, прыходзьце на мерапрыемства. Яно адрасавана дзецям.

Тэл. для даведак: 8(01597)31578

24 верасня ў 16:00 Навагрудская раённая бібліятэка (аддзел абслугоўвання і інфармацыі) сваіх дарослых чытачоў запрашае на кніжна-дэтэктыўны квэст “Удивительные факты из жизни Агаты Кристи”, прысвечаны 130-годдзю з дня нараджэння каралевы дэтэктыва. На кніжнай выставе, якая будзе суправаджаць мерапрыемства, прапануюцца вядомыя творы пісьменніцы і літаратура аб ёй. Выкарыстоўваючы ўсе гэтыя крыніцы пры вырашэнні зададзеных літаратурных загадак, прысутныя даведаюцца пра шматлікія цікавыя факты з жыцця аўтаркі.

         Тэл. для даведак: 8(01597)66789

 

26 верасня ў 18.00 Скрышааўская сельская бібліятэка-клуб для мясцовых дзяцей, чытачоў бібліятэкі, арганізуе экалагічную гульню “Сустрэчы на лясной сцяжынцы”. Ідучы па сцяжынцы, удзельнікі будуць заглядваць на палянкі, якія нясуць цікавую інфармацыю. На першай з іх стаіць “Избушка сказочных героев”, якая змяшчае беларускія і рускія народныя казкі. Другая – “Мурашнік загадак, прыказак і прымавак” і, нарэшце, трэцяя – “Спартыўная”, яна прапануе дзецям рухомыя гульні. Прайшоўшы гэтую лясную сцяжынку, дзеці сустрэнуцца на фінішы экалагічна адукаванымі, так што ёсць сэнс наведаць мерапрыемства.

Тэл. для даведак: 8(01597)40633

 

27 верасня ў 11.00 Ладзеніцкая сельская бібліятэка правядзе прэзентацыю турыстычнага маршрута “Па родных мясцінах”, распрацаванага ў мінулым годзе падчас раённага конкурса турыстычных маршрутаў. Гэты маршрут для людзей, якія цікавяцца гісторыяй роднага краю (школьнікі, дарослыя). У задуманым выглядзе яго працягласць 13 км., па часе ён разлічаны на 3 гадзіны, месца прыёму экскурсантаў – пляцоўка каля помніка загінуўшым воінам. Віртуальная экскурсія пройдзе па 7 аб’ектах – вёска Ладзенікі, помнік загінуўшым воінам у Вялікай Айчыннай вайне, возера Ладзенікі, капліца Антонія Падуанскага ў вёсцы Мількавічы, мячэць у вёсцы Лоўчыцы, татарскія могілкі (магіла святога Контуся), ветрапарк. Падчас падарожжа можна паглыбіць свае веды па гісторыі малой радзімы, таму ёсць сэнс прыйсці ў бібліятэку на гэтае мерапрыемства.

Тэл. для даведак: 8(01597)31579