12.08. – 18.08.2019

14-15 жніўня з 13:00 да 16:00 навагрудчан і гасцей горада запрашаем у “Летнія чытальні”, якія пры ўмове добрага надвор’я працуюць у гарадскім скверы на працягу ўсяго лета. Гэта цудоўная магчымасць, схаваўшыся ад спёкі ў цені парасонаў, адпачыць і пачытаць. У чытальнях наведвальнікам будзе прапанавана свежая перыёдыка. Да паслуг самых маленькіх чытачоў інтэлектуальныя і настольныя гульні.

Тэл. для даведак: 8(01597)22458, 20505

 12 жніўня ў 10:00  Навагрудская раённая бібліятэка /аддзел па абслугоўванні дзіцячага чытача/ запрашае на літаратурна-гульнёвую праграму “Казачная геаграфія”.

У ходзе мерапрыемства хлопчыкі і дзяўчынкі прымуць удзел у наступных конкурсах: “Экскурсія ў чароўную краіну”, “Даведайся казачную краіну”, “Незвычайныя звяры”, “Як патрапіць у чароўную краіну?”. З дапамогай чароўнай карты ўдзельнікі змогуць апынуцца на востраве Буяне, у краіне невывучаных урокаў, у Сонечным горадзе і г.д.

Тэл. для даведак: 8(01597) 20505

 У бібліятэцы сустрэча з пісьменнікамі — гэта заўсёды свята.  14 жніўня ў 11:00 Любчанская інтэграваная гарпасялковая бібліятэка запрашае на творчую сустрэчу з мясцовай паэткай “З гумарам па жыцці”, прымеркаваную да 75 годдзя з дня нараджэння М.Ф. Кісцень. Спачатку бібліятэкар пазнаёміць прысутных з жыццёвым і творчым шляхам Марыі Фёдараўны.  Вершы паэткі не раз друкаваліся на старонках раённай газеты. Яе паэзія шчырая і адкрытая, сумленная і праўдзівая,  нясе людзям свет з усімі колерамі і фарбамі, гукамі і пахамі. Потым Марыя Фёдараўна пачытае свае новыя вершы і гумарэскі, тэмы для якіх даюць розныя жыццёвыя сітуацыі з жыцця суседзяў і, наогул, любчанцаў.  У бібліятэцы ёсць зборнік вершаў паэткі, які выпусцілі бібліятэкары, і які карыстаецца вялікім попытам у чытачоў.

Тэл. для даведак: 8(01597)71133

 14 жніўня ў 13:00 Шчорсаўская сельская бібліятэка запрашае на казачны турнір “Что за прелесть эти сказки”. Увазе дзяцей будуць прапанаваны загадкі пра казачных герояў, віктарына “Лепшы знаўца казак”, разам з бібліятэкарам успомняць песні, якія выконваюць казачныя героі. Напрыканцы ўдзельнікаў чакае ўручэнне прызоў.

Тэл. для даведак: 8(01597)99762

15 жніўня ў 16:00 Кміцянская сельская бібліятэка-клуб запрашае на віктарыну “У царстве слаўнага Салтана”, прымеркаваную да 220-годдзя з дня нараджэння А. Пушкіна. Спачатку дзіцячыя чытачы паслухаюць звесткі з жыццёвага і творчага шляху паэта, а затым іх увазе будзе прапанавана віктарына па сказцы “Сказка о царе Солтане”. Пераможцаў чакаюць падарункі.

Тэл. для даведак: 8(01597) 44617

 16 жніўня ў 12:00 Брольніцкая сельская бібліятэка запрашае ў падарожжа ў цікавы свет навукова-пазнавальнай кнігі “Нашы сябры кнігі”. Бібліятэкар запросіць удзельнікаў у займальны свет навуковых адкрыццяў, прывядзе цікавыя прыклады з гісторыі развіцця матэматыкі, фізікі, хіміі, біялогіі і астраноміі.

Тэл. для даведак: 8(01597) 40495

16 жніўня ў 10:30 Лаўрышаўская сельская бібліятэка запрашае на ўрок здароўя “Дарослыя пытанні дзяцінства”. Мерапрыемства бібліятэкар пачне са слоў нямецкага паэта  Генрыха Гейне “Адзіная прыгажосць, якую я ведаю, — гэта здароўе”. Удзельнікі-падлеткі разам з бібліятэкарам паспрабуюць адказаць на пытанні “Што такое здаровы лад жыцця?”, паразважаць аб тым, як патрэбна жыць, каб здароўя хапіла на доўгае і актыўнае жыццё. Бібліятэкар зробіць акцэнт, што здаровы вобраз жыцця прадугледжвае адказ ад шкодных звычак. Да мерапрыемства будзе аформлена кніжная выстава “Здаровым быць здорава”.

Тэл. для даведак: 8(01597) 29045

18 жніўня ў 16:00 Уселюбская сельская бібліятэка запрашае  ў завочнае падарожжа “Крок за крокам па роднай Беларусі”. У ходзе мерапрыемства удзельнікі пазнаёмяцца з гісторыяй Беларусі і яе знакамітымі мясцінамі. Даведаюцца аб тым,  якая колькасць насельніцтва пражывае на Беларусі, чаму нашу краіну называюць сінявокаю, якія ёсць азёры і рэкі на яе тэрыторыі, якую плошчу займаюць лясы, якія самыя буйныя і самыя малыя жывёлы, колькі абласных цэнтраў, якія святыні ёсць на Беларусі і многае іншае.

Тэл. для даведак: 8(01597) 61605