22 сакавіка на святочных мерапрыемствах у Цэнтры культуры і народнай творчасці Навагрудская раённая бібліятэка прадставіла інтэрактыўную бібліятэчную пляцоўку: кніжная выстава, прысвечаная Году малой радзімы, літаратурная экспазіцыя “Да 300-годдзя Саламеі Русецкай”, прысвечаная знакамітай Навагрудскай лекарцы, зацікавіла ўсіх прысутных, тым больш, што яна была дапоўнена спецыяльнай лекарскай атрыбутыкай. Знакавая персона з гісторыі Наваградскай зямлі, яркая прадстаўніца 18 стагоддзя, першая жанчына-ўрач, асветніца, аўтар мемуараў. Гэта імя ў спісе памятных дат, якія будуць адзначацца ў 2018 годзе з удзелам ЮНЕСКА. Па выданню Саламеі Пільштынавай (Русецкай) «Авантуры майго жыцця» раённая бібліятэка падрыхтавала тэатралізаванае прадстаўленне.